Штогод 21 лютага па ініцыятыве ЮНЕСКА ва ўсім свеце адзначаецца Міжнародны дзень роднай мовы.
Ва ўстановах адукацыі раёна мерапрыемствы, прысвечаныя гэтаму святу, праводзяцца ў мэтах рэалізацыі Плана мерапрыемстваў Міністэрства адукацыі Рэспублікі Беларусь па папулярызацыі і пашырэнні сферы выкарыстання беларускай мовы ў жыцці грамадства на 2010 і наступныя гады. Праводзяцца тыдні беларускай мовы, мерапрыемствы ў рамках акцыі “Гавары са мной па-беларуску”, конкурсы чытальнікаў вершаў і выканаўцаў музычных твораў на вершы беларускіх пісьменнікаў, уласных твораў, прысвечаных мове, конкурсы сачыненняў. У бібліятэках арганізаваны кніжныя выставы, прысвечаныя творчасці пісьменнікаў-юбіляраў: Уладзіміра Караткевіча, Андрэя Макаёнка, Янкі Сіпакова, Івана Шамякіна, Кандрата Крапівы, Змітрака Бядулі, Генрыха Далідовіча, Цёткі, Янкі Лучыны. Вучням прапанавана прыняць удзел у конкурсах малюнкаў па творах беларускіх пісьменнікаў, тэатралізаваных пастаноўкаў і іншых мерапрыемствах.